مسرحية فطور الصباح

مسرحية فطور الصباح

تقوم كتكوته من النوم  تتكاسل و تغسل وجهها  وتشوف نفسها في المراية وتقول:                     

*كتكوكة "آش بيه وجهي أصفر اليوم؟

المرآة وهي الام" على خاطر إنت ما تكلش فطور الصباح "

*كتكوتة "فطور الصباح ؟ شنوّة هو فطور الصباح ؟

الام " عندك الحليب ...

الحليب "أنا الحليب البنين نعطيك القوة والفيتامين "

الام " عندك الزبدة ..

الزبدة "أنا الزبدة الطرية نغذيك الصباح والعشية "

الام "وعندك المعجون ..

المعجون " أنا المعجون التحفون عندي أكثر من لون ."

الام "وعندك الخبز ."

الخبز "أنا الخبز القمقوم ما نغيب حتى يوم .."

الام "وعندك البيضة "..

البيضة "أنا البيضة البلدي نعطيك القوة من عندي "

*كتكوتة "كت كت كت كت ما بنها هذي عضيمة ونممها  .."

الام "وعندك العصير .."

العصير "أنا العصير مشروب عجب ومن أول مرة نتحب "

الام "وعندك العسل .."

العسل "أنا العسل ما نجي كان من عند النحل  .."

الام "وعندك زيت الزيتون .."

زيت الزيتون "أنا زيت الزيتون لوني ذهبي وتحفون .."

الام "وعندك البسيسة .."

البسيسة " أنا البسيسة نقنع ،نتحلّ في الماء ، نتشرب على الخوى .."

الام "وعندك التمر .."

التمر "أنا التمر المعتبر ما نجي كان من الجنوب المفتخر .."

تقف كل المجموعة مع بعضها وتقول "أحنا الكل نعطيوك الفيتامين والكلسيوم والبروتايين  نخليوك النهار الكل ناشطة وقوية.."