امي سيسي تكنس تكنس لقات فليس...قالت اليوم نشري بيه دواره و نطيب لوليدي كسكسي بالعصبان..طاب الكسكسي..عبات الشقاله..علقتها في السقف و قعدت تغزل في الصوف..جاها القطوس قاللها أمي قالتلك ابعثلي الغربال..قالولتو وليدي برا هزو مالكوجينه و رد بالك تهز راسك لفوق..دخل القطوس للكوجينه هز راسو شاف الشقاله..كلاها و رجع علقها و هو الغربال و مشي..روح سيسي جات أمو تحط في الشقاله لقاتها فارغه فهمت القصه..القطوس رجع قصتلو ذيلو..قالها يامي سيسي رجعلي ذيلي..قالتلو ما نرجعلك ذيلك كان ما تجيب التفاح اللي يفوح و يرد الروح..مشا لبياع الغله قلو اعطيني التفاح اللي يفوح و يرد الروح نهزو لأمي سيسي و أمي سيسي ترجعلي ذيلي..قلو ما نعطيك التفاح اللي يفوح و يرد الروح كان ما تجيبلي العنب في الليالي...مشي للي يبيع في العنب قلو اعطيني العنب في الليالي باش نهزو لبياع التفاح و بياع التفاح يعطيني التفاح و التفاح نهزو لأمي سيسي و أمي سيسي ترجعلي ذيلي..قلو ما نعطيك العنب في الليالي كان ما تجيبلي كحل الصبايا..مشا للي يبيع في الكل قلو.....نكملهالكم غدوه